biografio pri Nikolaj Evstifejev

Supre: La gazetkapo de LINGVO INTERNACIA n-ro 1 – januaro 1909
kie Nikolaj Evstifejev (aliskribite Evstifejeff, aŭ Jevstifejev) verkis artikolon kiu estas kritika reago al kritikoj de idistoj….

———- o O o ———-

Kaj, je la fino, danke al interreto, mi trovis lin en tre rara foto !

el gazeto “Ruslanda Esperantisto” n-ro 1/jaro 1909, paĝo 15
Jevstifejev, redaktoro de ŝaka fako de tiu gazeto, estas sidanta en la 1-a vico, dekstre, en antaŭlasta lokiĝo
vidu: http://anno.onb.ac.at/cgi-content/anno-plus?aid=e3l&datum=1909&page=17&size=24

———- o O o ———-

Pri ĉi tiu esperanta pioniro, enlistigita inter la unuaj pioniroj de la unua epoko (kune kun Edgar von Wahl, Vsevolod Lojko, Abram Kofman, Vasilij Devjatnin, Nikolaj Afrikanoviĉ Borovko, Vladimir Gernet )  vere malmulte oni scias. Mi ne trovis verajn biografiajn informojn pri li, pri liaj studoj kaj profesio; eĉ oni ne konas la daton de lia morto! Oni nur scias, ke li jam estis aktiva ĉ. la jaro 1890, ke laboris amplekse kaj diversmaniere por Esperanto, kaj ke lia nomo estas inter la 12 akademianoj elektitaj en 1908 en la Supera Komisio (Akademio) de la Lingva Komitato.  (fontoj:    https://eo.wikipedia.org/wiki/Nikolaj_Evstifejev     kaj    https://eo.wikipedia.org/wiki/Esperanto_en_Rusio  )

En Bulgarujo

En Enciklopedio de Esperanto oni skribas ke “Notinda estis la agado de la rusa E-tisto Evstifejev Nikolaj, kiu en 1908-1910 loĝis en Sofia.” Ĝuste en 1910 oni organizis tie kongreson, kiun ĉeestis multaj rumanaj samideanoj. Tiuokaze oni decidis unuigi la du naciajn Esperantajn gazetojn “Lumo” kaj “Rumana Esperantisto”; kreiĝis komuna gazeto “Danubo” redaktita de miksita dunacia komitato kaj presata en Bucaresti (okt. 1910 – jul. 1912). 

En Slovakujo

Oni scias, ke en Slovakujo la unua lernolibro de Esperanto por slovakoj aperis en la jaro 1907. Eldonis ĝin D-ro Albert Škarvan, kuracisto-tolstojano, kun la kunlaboro de rusa N. P. Evstifejev. Praktike ĝi estis slovaka traduko de la unua lernolibro de Esperanto “La Fundamento” de Zamenhof. La dua eldono aperis en 1918 en Chicago.   (Fontoj:  https://www.europo.eu/documentloader.php?id=416&filename=europa-e-movado-2013-12-23-02-obojestransko-1.pdf  kaj:  https://100.esperanto.sk/podujatia/prejav_Dolinsky.php?jazyk=eo )

En Rusujo

Alia mallonga sciigo pri Evstifejev mi trovis en gazeto La ondo de Esperanto n-2, feb 1912 (je la paĝo 27). Tie  oni skribas ke: “En la societejo de “Trud i Kultura” ĉiumerkrede okazas Esperantistaj kursoj, elementaj kaj specialaj, sub la gvido de s-roj N. Evstifejev kaj M Ambros. La kursoj estas senpagaj. Kelkaj samideanoj jam ellaboris regularon de memstara societo kaj espereble ni baldaŭ havos oficialan Esper. Organizaĵo”.  Do, tiuepoke Evstifejev troviĝis kaj agadis en sia Ruslando, pliprecize en Peterburgo. (Fonto:  http://dlibra.kul.pl/Content/44308/48963.pdf )

Anekdoto

Troveblas en Pola Esperantisto n-ro 27 (3/2007) je paĝo 4, interesajn atestojn pri la aktiveco de Nikolaj Evstifejev (aliskribite Evstifejeff) en jaro 1908, okaze de la kvara Universala Kongreso en Dresdeno. Tiuepoke kaŝe/nekaŝe disvolviĝis senkompata batalado inter esperantistoj kaj idistoj …:

el “Pola Esperantisto” n-ro 27 (marto 2007)

(Fonto:  http://www.esperanto.es:8080/jspui/bitstream/11013/4189/1/Pola%20Esperantisto_2007_n.%2003%20%28027%29.pdf  )

Por konkludi, mi reproduktas la kvarpaĝan tekston de lia artikolo “Sciencega kritiko”  aperinta en la unua numero de 1909 en Lingvo Internacia (je paĝoj 21—24), legeblan ankaŭ en la diĝita kolekto de Esperanto-Muzeo en Vieno:  http://anno.onb.ac.at/cgi-content/anno-plus?aid=e0b&datum=1909&pos=20&size=45

Tiamaniere vi mem povos rekte konstati lian potencan analiz-kapablon, kiun mi evidentigis grafologie – kun multaj aliaj psikaj trajtoj – rilate al ĉi tiu forgesita esperantisto, kiu restas fakte (biografie) nekonatulo…

fino

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...